東京淺草炸雞專門店 (黃大仙中心南館)

見佢個店面企企理理，啲圖又唔錯就入去啦。
老老實實，由入坐到賣單戈下都無咩服務可言，加水都無加，叫又無咩反應。但佢都有收加一，真係覺得有點唔抵。

食品同飲品都無咩選擇，食物都係炸雞類，飲品得三款乳酸。我叫咗個炸雞飯（竹）同一杯芒果乳酸。

成個便當得麵鼓湯係好飲，叫做有應有嘅味。個炸雞配三款醬，每款得勁少，點幾下都無，而且三款都係咸，只係咸嘅程度唔同。個炸雞不得不提，又乾又厚炸粉，基本上係食炸粉加油。炸雞店但炸雞唔好食，咁唯有期望下飲品，飲品個感覺完全係似溝咗水。唔係無味，而係淡而且似飲香精加糖水。

所以個人覺得完全唔值。