岩鹽日本料理 (MOKO新世紀廣場)

又貴又唔好食，環境又俾唔到正常水準嘅享受。食完心情差過未食，唔會再黎。

嘢食完全達唔到水準，就連佢地嘅魚生都係好差，啲魚/海膽無佢應有嘅味道，只食到苦同臭，有一隻仲要臭到入唔到口。

日式牛肉火鍋，啲肉仲衰過大家樂大快活嗰啲一人火鍋。

唯一OK嘅係芒果奇異果蝦卷，但係好酸。

然後隔離兩三檯都有小朋友好嘈係到叫，搞到成個area好似兒童遊樂區，完全聽唔到人地講野，職員又唔理。

咁樣一餐就收六百蚊，都唔知自己食左咩。