泰妹餐廳 (The Wave) (已結業)

假日喺開源道一帶搵食以為唔洗逼，但亦都代表好多檔唔開。第一次試呢間，假日無咩人，坐得算舒服 （非bar枱）。午餐$5x-$6x，我食冬蔭功粉，只係帶酸嘅辣湯，蝦同魷魚算不過不失，蟹柳（仿）就怪怪地。不過事後要飲好多水，預左。朋友食海南雞，好多都咬唔開。另外咖哩汁，茶餐廳style，比唔上茶餐廳，好怪。杯熱飲亦怪甜，飲一啖就飲唔到落去。仲有串燒，好乾，雞翼唔熟。整體，味道比同區茶記明顯差。而價錢比茶記明顯貴。係略好坐，但工廠樓上舖都要收得貴？雖然地面層有裝修，但上樓上感覺好似傳統停車場。