大家樂 (已結業)

今晚由於做野做到好夜，都廢事要媽咪煮，咁我就話落樓下食算啦，所以就黎左呢度既大家樂，但食完真係好後悔，因為真係好難食呀!!! ><叫左 2 個餐，一個係西蘭花炒班片配素翅，其實都預左個素翅唔會好食，但食落口都真係覺得好難食，超多芡粉.... 又淡，全部都係咪精味，食完要勁飲水呀! 西蘭花炒班片就比較可以接受，但好似鹹左少少，同埋感覺唔太健康，頗多油。仲有問題係碗白飯都唔好食，超級硬呀，媽咪話硬到可以要黎擲人呀!另一個就餐就係酥皮湯配醇香酥排菜飯，個酥皮湯就普通啦，個酥皮幾好食，但個湯感覺上都係好多芡粉.... 個口感麻麻地，而且都係味精既味道。個豬排我反而覺得OK架，因為唔太肥膩，而且有DD肉汁，個皮又脆，但就會有DD熱氣囉。個菜飯難食到不得了，唔知佢D菜係咪變變地，食落去食到WASABI味......所以總結呢間野就係好難食，盡量都唔會再黎，食完返屋企飲左幾大杯水。。。