Zucco

营业中

休息中

尖沙咀呢间型格酒吧餐厅都几难揾，佢虽然写地下，但系其实佢系几座大厦嘅中心，所以如果你喺外面嘅马路系唔会见到佢间店，要行入去大厦入面先见到，真系有少少难度😅。入到去中间就会俾佢嘅投射灯吸引咗，几型！而店里面就系以银色为主。今餐饭我哋叫咗巴马火腿配金蜜瓜、炸洋葱圈、鸡翼拼盘、芝士田螺焗薯蓉、黑松露野菌忌廉汁意粉、龙虾汁虎头大虾意粉同埋两杯mocktail ：Apple Breeze、Double Or Out。每一道菜嘅份量都比较大，通常酒吧餐厅食嘅嘢都好一般，但系呢度我觉得佢有少少出色，甚至乎有啲𩠌菜会比普通餐厅更加出色。