鳥華 (已結業)

鳥華係想試好耐既拉麵店之一~佢獨特之處在於湯底唔係常見既豬骨湯底,而係雞湯底,好有興趣睇下雞湯配拉麵到底夾唔夾~既然主打係雞,小食都以雞為主~風聞呢度d湯麵比較細碗,所以都叫左碟炭烤雞塊~食落完全唔覺有炭烤香味,不過算啦,好多都係得個名,最緊要味道~個皮唔係脆,不過就煙煙韌韌兼甜甜地~肉質唔鞋但味道滲唔到入去,所以都係偏淡味~餐牌上好似好多選擇,不過其實都係來來去去幾款：雞湯、味噌湯同辣湯,另外再加蛋、叉燒、麵底等配料~呢個係味噌雞湯拉麵加蛋,可能味噌味較濃,所以飲唔出雞湯味,不過味道係唔錯,未至於太鹹太濃郁,兼且好夠熱,讚~雞白湯拉麵加蛋,顏色好似好清淡咁樣~~但其實味道好濃郁,好似飲緊雞湯精華咁,係有少少油,但係好香好香~~~再講麵條,係我最愛既粗曲拉麵,掛湯能力一流,兼且好煙韌~btw,唔好睇個碗好似好細,麵條好似唔多,但食完都幾飽喎~一般拉麵係配叉燒,呢度就梗係配雞肉啦~其實即係炭烤雞塊既味道,不過同碗麵都好搭配,兼且冇豬肉咁易整到鞋口,啱晒我呢d鍾意雞肉多過豬肉既人~再講隻蛋,雖然都係溏心狀態,但略嫌唔夠味,始終魂係勝一籌~老實講,其實鳥華質素毫不遜色,真係唔明點解呢度唔會成