易牙台式料理 (已結業)

新開一路都未去食，老媽子之前去過話唔錯，今晚一齊去。兩個人食，叫左個紅燒牛肉麵，另外一個炸豬扒定食包埋珍珠奶茶、前菜等。紅燒牛肉麵 ( 好似係$3x 左右)：好快到，2分鐘就到，一早煮好左，我老媽子要用假牙食野，但都好容易食到，我偷左一兩舊，牛肉、同埋個湯都唔錯，雖然唔及旺角西門町，但比起X民牛肉麵、九龍城X 婆牛肉麵，好10倍以上。又唔貴。炸豬扒定食+5蚊配魯肉飯 (共$70)：魯肉麻麻地，但炸豬扒好好食，好軟，好入味，而且好多！！食到我頂哂肚，珍珠奶茶正常，不過單叫的話太貴，如果可以旺角那間+ 幾蚊有得飲就好。裝修好落本，舒適得體，不過有點冷清，始終呢度係樂富，冇咩外來客。侍應都幾好服務，唔會黎煩你，但加茶又加得快，又笑笑口。希望可以多d 人去食，唔好咁快執，領匯應該收好貴租。