韓樂 (TKO Gateway西翼)

营业中

休息中

今日難得有機會同男朋友一齊食早餐，因為平時都瞓到好晏先起身，冇機會食早餐。呢間韓樂既早餐時段好長，由7:00至11:30都係早餐時段，岩晒我。早餐選擇好多，我揀左野菌炒蛋烤多士配熱檸水，男朋友揀左漢堡扒番茄濃湯扁意粉配熱阿華田。野菌炒蛋烤多士隻炒蛋唔錯，不過好邪惡，應該落左好多牛油去炒，所以滑身。烤多士搽左勁多蒜蓉醬，但係好油。多士應該擺左一段時間，已經唔脆，好普通。漢堡扒番茄濃湯扁意粉，男朋友話普通，番茄唔夠多唔夠濃味，漢堡扒冇乜特別，意粉唔錯。熱飲大杯，唔錯。