達順辣蟹火鍋 (已易手) 新餐厅

今日有少少轉涼 為左暖下個胃 就揀左間火鍋店黎食湯底選擇好多 有啲都幾特別 例如藥膳醉雞鍋 咁既然個舖頭名係叫辣蟹火鍋 當然要試下招牌辣蟹鍋拉個鍋上之前 有一般既火鍋醬料比我地自己溝鼓油等左冇幾耐 今晚個重頭戲辣蟹鍋好快就送到！一睇見到咁紅 又好似有好多胡椒粒 辣椒咁 以為會好辣 但冇想像中咁辣 平時食開十小辣既我都接受到而且辣得黎幾香 唔係個種辣到條脷麻個種個鍋入面都有好多料 有成個蟹係入面另外仲嗌左啲打邊爐必食 肥牛 丸類等等最值得讚既係個個鮮貢丸同墨魚丸 好彈牙同好新鮮啲雞件啲肉都好嫩 唔小心煮耐左都唔會鞋supsup咁打邊爐唔少得既仲有酸梅湯解膩 老細話酸梅湯係日日新鮮煲 唔會好甜 酸尾尾好開胃 即刻冇咁罪惡最欣賞係員工既服務態度 會好留意我地有冇空碟要收 或者一開頭見我地嗌左太多野放唔哂 要推架小車仔比我地擺野最後仲送左綠豆沙我地食