梨滿園韓國料理 (已結業)

好少落旺角食嘢，原來隱藏響女人街嘅樓上餐廳都有好好味嘅韓國菜，唔係朋友帶來真係唔識！雖然係響旺角，但價錢好平！前菜已經有六小碟，味道全部正常，泡菜好好食！唔會過咸！食韓國菜當然想食燒肉！我地點左一份牛肋骨肉，估唔到份量有咁多！牛味濃郁，醃的味道剛剛好唔會死鹹。另外呢一份豬肉都好新鮮，食得出有豬肉嘅鮮甜。呢一份豬肉燒完之後用生菜包住食中和油膩感。生菜可以叫職員添加，職員態度好好！值得一讚。人蔘雞湯份量亦都好多！湯底好清甜！