影片
更多
2009-02-21
25 浏览
2009.02.13 (五)今次係第二次來此店.講番第一次來係上星期五, 因上堂前會經過此店, 約19:30見到門口有條人龍,心諗落堂時要來試下雞. 一落堂就衝來啦,點知阿靚姐一埋來己經話無雞無豬,唉,最出名係雞同豬扒都無,原來店內有寫每日限賣100份,正十五十六咁諗走唔走好,同行的健健已經諗到食九菜餃米線,無得走.唯有認真諗下食乜....最後選出三款... 1) 上湯爽咸豬手 $28 *****賣相唔錯, 清湯唔辣, 跟酸菜, 豬手連骨有五至六件, 夠爽脆, (食唔到群記,可以來呢度吊下引) 2) 自制九菜餃酸辣米線(要少辣) $27 ****餐跟飲品$27, 單食$22(可選米線／上海面,酸辣／麻辣／上湯）店方推介, 有三粒星.健健話九菜餃皮厚菜多少肉,好味,加上他本身唔舒服無胃口, 呢碗少辣米線可以吊起胃口, 最後全部食晒． 3）鮮爽豬潤酸辣米線 $2４ ****勁多豬潤 米線都幾滑 無要少辣 食到辣到飛起時食番件豬手中和下, 剛剛好.第二次來食,又試另外三款.1) 古法手撕雞 $32 ***雞肉"鞋口", 太
今次係第二次來此店.
講番第一次來係上星期五, 因上堂前會經過此店, 約19:30見到門口有條人龍,心諗落堂時要來試下雞.
一落堂就衝來啦,點知阿靚姐一埋來己經話無雞無豬,唉,最出名係雞同豬扒都無,原來店內有寫每日限賣100份,正十五十六咁諗走唔走好,同行的健健已經諗到食九菜餃米線,無得走.
唯有認真諗下食乜....最後選出三款...
1) 上湯爽咸豬手 $28 *****
賣相唔錯, 清湯唔辣, 跟酸菜, 豬手連骨有五至六件, 夠爽脆,
(食唔到群記,可以來呢度吊下引)
2) 自制九菜餃酸辣米線(要少辣) $27 ****
餐跟飲品$27, 單食$22(可選米線／上海面,酸辣／麻辣／上湯）
店方推介, 有三粒星.
健健話九菜餃皮厚菜多少肉,好味,
加上他本身唔舒服無胃口, 呢碗少辣米線可以吊起胃口, 最後全部食晒．
3）鮮爽豬潤酸辣米線 $2４ ****
勁多豬潤 米線都幾滑 無要少辣
食到辣到飛起時食番件豬手中和下, 剛剛好.
第二次來食,又試另外三款.
1) 古法手撕雞 $32 ***
雞肉"鞋口", 太多酸菜, 極酸極麻.
2) 蚝仔鮑魚肉碎粥 $30 *****
多蚝仔, 無沙, 罐頭鮑魚片夠"淋".
3) 鮮牛肉酸辣米線 $26 ****
今次雞同米線都太酸同麻辣, 麻到令我諗起"零零漆"羅家英個孖腸咀.
全間舖七張枱, 得一個靚姐一腳踢, 都快手快腳.
不過, 如果小食可以平D, Set$20-25 就最好啦.
张贴
