影片
更多
2007-02-18
5 浏览
上星期諗住友人移民在即，洗多少少錢去搵間似樣o既餐廳同佢餞行，就去左哩度食野。佢地個價錢未食都已經覺得好貴，但食完覺得真係唔值，因為一心諗住食物就算一般，還有裝修跟服務可「食」，點知...由於冇事前訂台，但見一入門口左邊有台，可以俾我地坐，好可惜係食唔到個靚景，算啦，諗住仲有食物同服務... 一坐低，就先後有兩個後生到我懷疑未夠18歲o既waiter 走埋黎同我地講英文？我唔相信係我地似外國人，我相信只係佢地扮高檔，睇真D，原來全場waiter 都好似小學生或者中學未畢業咁，就算個captain 都好似o岩o岩中學畢業咁...食物方面，叫左個唔記得名o既豬骨前菜，還可以。但我地叫左個D飲品，分別相隔30分鐘上，好明顯係漏單，但個Captain 一句sorry 都冇講過。另外叫左碟越式雜菜，好後悔，好似一碟食剩o既菜咁。到主菜，我地叫左個好似叫牛牛七味咁上下，黎到原來係唔同o既牛肉小食，係，只可以叫做小食，部份還可以，部份好似食緊紙皮咁。上菜先後分隔好耐，真係好耐... 最後上個煲咁o既牛肉煲真係搵笨到極點，兩片薄到透光o既牛肉，下面全部係米粉，分開碟同煲上，我只係覺得佢地整古做怪，畫蛇
由於冇事前訂台，但見一入門口左邊有台，可以俾我地坐，好可惜係食唔到個靚景，算啦，諗住仲有食物同服務... 一坐低，就先後有兩個後生到我懷疑未夠18歲o既waiter 走埋黎同我地講英文？我唔相信係我地似外國人，我相信只係佢地扮高檔，睇真D，原來全場waiter 都好似小學生或者中學未畢業咁，就算個captain 都好似o岩o岩中學畢業咁...
食物方面，叫左個唔記得名o既豬骨前菜，還可以。但我地叫左個D飲品，分別相隔30分鐘上，好明顯係漏單，但個Captain 一句sorry 都冇講過。另外叫左碟越式雜菜，好後悔，好似一碟食剩o既菜咁。
到主菜，我地叫左個好似叫牛牛七味咁上下，黎到原來係唔同o既牛肉小食，係，只可以叫做小食，部份還可以，部份好似食緊紙皮咁。上菜先後分隔好耐，真係好耐... 最後上個煲咁o既牛肉煲真係搵笨到極點，兩片薄到透光o既牛肉，下面全部係米粉，分開碟同煲上，我只係覺得佢地整古做怪，畫蛇添足。
期間叫佢地加水，佢地可以加完一杯唔加另一杯就走左去，直至30分鐘後至再有人黎加水。
我地食完，不斷有waiter 埋黎話問你：「仲要唔要？」，我地話左可以收，跟住個waiter 一係就羅左隻碟走左去，一係就問完就去左去。到唔知第四定第五個waiter 又走黎問同一問題，我地不約而同話佢知，你地問左好多次，我地話收得，但冇人收，個個waiter 哥哥就咀秒秒咁收野，收完，就算成台有米粉同汁，佢都可以當冇事去左去，唔抹直至埋單。之後我地發現哩位後生waiter 每次經過我地附近都會好凌厲咁望實我地，我心諗：「係咪要我同你講對唔住？」。之後諗住為遲來的女友叫杯水，足足等左十分鐘，明明有水杯同水壺係我地隔離...
最後埋單要四百幾，我就覺得一百都唔值，期間一句sorry 都冇聽過。不過最值得係我地可以不被騷擾下傾左成晚，因為大部份時間，所有waiter 都當我地透明，無人理我地，淨係見佢地全晚走來走去，好似好忙咁。但願佢地早D執，騰番個靚景出黎俾其他人做...
张贴