影片
更多
2007-12-09
0 浏览
因為自己好鐘意食日本菜，所以成日都會去搵ｏ的日本餐廳去試下。近排西環唔知點解開左好多間食日本菜既，但係味道都一般，知道開左間新ｏ野，我就即刻走去試下。第一次去既時候，食既係滑蛋豬扒定食。ｏ的豬扒鬆軟又入味，配埋ｏ的汁真係好好食，加上我係汁撈飯既同好者，食完之後真係有一種「係你啦～」既感覺。我去日本都有食過好多滑蛋豬扒定食，十人十色既滑蛋豬扒定食同日本ｏ個ｏ的有得揮！不過唯一無日本ｏ個ｏ的咁好就係洋蔥太大條，同埋ｏ的洋蔥唔係好「痴」ｏ的蛋，但係整體上算係我係西環食過最好食既滑蛋豬扒定食ｖｖ我去過三上食過滑蛋豬扒飯，但係味太濃，完全係要飲茶黎沖淡ｏ的味第二次去既時候，我係食和風雞扒定食。今次既和風雞扒定食就無上次既滑蛋豬扒定食咁好食，味道同汁料都唔錯，但係我覺得ｏ的雞唔係好入到味，可能浸係ｏ的汁料浸得唔夠耐。頭２次都係食定食，講下麵豉湯。麵豉湯既話其實一般，但係好過三上，三上既麵豉湯太鹹啦，而且配埋粟米個口感好奇怪。至於個蒸蛋呢，好過旺角某一間日本餐廳，但係同日本既比就差得遠（基本上我無係香港食過好食既蒸蛋）。最主要原因我係覺得十人十色既蒸蛋舊菇太搶味，搞到個蒸蛋成陣菇味。但係以一個定食黎
近排西環唔知點解開左好多間食日本菜既，但係味道都一般，知道開左間新ｏ野，我就即刻走去試下。
第一次去既時候，食既係滑蛋豬扒定食。
ｏ的豬扒鬆軟又入味，配埋ｏ的汁真係好好食，加上我係汁撈飯既同好者，食完之後真係有一種「係你啦～」既感覺。
我去日本都有食過好多滑蛋豬扒定食，十人十色既滑蛋豬扒定食同日本ｏ個ｏ的有得揮！不過唯一無日本ｏ個ｏ的咁好就係洋蔥太大條，同埋ｏ的洋蔥唔係好「痴」ｏ的蛋，但係整體上算係我係西環食過最好食既滑蛋豬扒定食ｖｖ
我去過三上食過滑蛋豬扒飯，但係味太濃，完全係要飲茶黎沖淡ｏ的味
第二次去既時候，我係食和風雞扒定食。
今次既和風雞扒定食就無上次既滑蛋豬扒定食咁好食，味道同汁料都唔錯，但係我覺得ｏ的雞唔係好入到味，可能浸係ｏ的汁料浸得唔夠耐。
頭２次都係食定食，講下麵豉湯。
麵豉湯既話其實一般，但係好過三上，三上既麵豉湯太鹹啦，而且配埋粟米個口感好奇怪。
至於個蒸蛋呢，好過旺角某一間日本餐廳，但係同日本既比就差得遠（基本上我無係香港食過好食既蒸蛋）。
最主要原因我係覺得十人十色既蒸蛋舊菇太搶味，搞到個蒸蛋成陣菇味。
但係以一個定食黎講，十人十色既定食絕對係西環最抵最好食既！
第三次去呢，係食壽司。
我個人覺得係三文魚同三文魚腩既味鮮過三上，但係其他既味道都同三上差唔多。
不單止味道好，我覺得佢地既食物賣相都好好，牛肉鍋唔會好似三上ｏ個邊咁ｏ的牛肉一舊舊唔知想點咁。
加上價錢又平，全日免加一，講好食同抵食三上真係拍馬都追唔上。
但係依間野有個問題，唔知係人手短缺定係我坐個位太僻，叫野食同賣單都叫人叫左成五至十分鐘先有人見到我舉手囧rz
但係想係西環食好既日本野，我絕對會推薦十人十色。
张贴