影片
更多
2011-02-03
20 浏览
入冬以来都无打过边炉，系罪过。今日中午系一人一锅唔够喉，夜晚就再打过。见3间牛涮锅的评分唔算太差，楼下又话有年糕福袋，豆乳汤底又几吸引，仲有green tea and sesame雪糕，所以无拣牛阵，试试新野。黎到7点松D，居然唔便等位之余入面得5成满或者D人刚放工加平日吧。侍应好殷勤介绍唔同的汤底同唔同set的牛，我同我朋友最后拣左最平的涮涮牛同猪，试晒2种肉XP 我当然要左豆乳汤底，朋友则要了和牛清汤。唔使一阵，汤底送上，我地都出自助配料bar夹野食同混酱。酱料全都系日式的，有我最爱的芝麻酱日本酱油都唔差。第一轮我食菜先。讲真，无论西生菜、唐生菜抑或其他菜，全部都唔新鲜唔靓不过要食得健康，无法啦。至于粟米、南瓜片、白萝卜片同秀珍菇就唔错，特别系白萝卜片，好清甜又带点爽脱；粟米、南瓜片亦有佢地应有的甜味。我亦拎左D年糕同薯糕。年糕唔系咁吸汤，煮好耐都唔系太淋，麻麻地；之前未食过薯糕，texture有D似蒟蒻，仲有D爽口，不过又系唔吸汤的。试完配料，系时候到主角牛肉同猪肉啦。两者色泽唔错，前者系鲜红，后者系粉红；肥瘦比例大概系2:8，唔错。两种肉只要轻轻烫就可食了，牛肉有点韧，无咩牛肉
黎到7点松D，居然唔便等位之余入面得5成满或者D人刚放工加平日吧。侍应好殷勤介绍唔同的汤底同唔同set的牛，我同我朋友最后拣左最平的涮涮牛同猪，试晒2种肉XP 我当然要左豆乳汤底，朋友则要了和牛清汤。唔使一阵，汤底送上，我地都出自助配料bar夹野食同混酱。酱料全都系日式的，有我最爱的芝麻酱日本酱油都唔差。
第一轮我食菜先。讲真，无论西生菜、唐生菜抑或其他菜，全部都唔新鲜唔靓不过要食得健康，无法啦。
至于粟米、南瓜片、白萝卜片同秀珍菇就唔错，特别系白萝卜片，好清甜又带点爽脱；粟米、南瓜片亦有佢地应有的甜味。
我亦拎左D年糕同薯糕。年糕唔系咁吸汤，煮好耐都唔系太淋，麻麻地；之前未食过薯糕，texture有D似蒟蒻，仲有D爽口，不过又系唔吸汤的。
试完配料，系时候到主角牛肉同猪肉啦。两者色泽唔错，前者系鲜红，后者系粉红；肥瘦比例大概系2:8，唔错。两种肉只要轻轻烫就可食了，牛肉有点韧，无咩牛肉味；反之猪肉无筋、唔嚡、又爽口，比牛肉好食得多。两种肉配上日式芝麻酱都立即升华，不过芝麻酱本身好味，点食都好味架啦。
第二轮只系再添左配料。鳕鱼豆腐同日本豆腐真系超赞，前者十分弹牙、滋味，后者极重豆味，十分滑，加上我的豆乳汤底真系一流享受。我亦试左D稻庭乌冬，系出面夹时见佢一patpat，唔系唔开胃，但系锅中滚几分钟，咬尽汤底的精华，食落烟烟韧韧，好好味呀
清埋D牛肉同猪肉，我同我朋友都叫饱，炒饭同其他配料真可惜地无法一试。
正餐胃饱啦，系时候满足下个甜胃，食雪糕入黎时见到有4款雪糕，分别系:vanilla, green tea, tofu and sesame。我的target系后3种味道，点知食在一个钟之后，绿茶同芝麻味己经俾人清光光了，豆腐味亦所剩无多，当时只系8点多，我见侍者无添新雪糕的意欲，算啦，只好食豆腐味啦。'笔'左2大个球，再加点green tea酱。雪糕好明显系牛奶分司的出品，没有甚么好评，不过自家的green tea syrup真系唔错，非常配合雪糕，令平凡的豆腐雪糕变得不平凡!
牛涮锅跟牛阵有个共通点，就系猪比牛好，但两者明明都以牛做卖点??! 不过以汤底、食物种类同质素，牛涮锅一胜一个'牛位'，想同朋友或家人平平地打下边炉，就个人而言，呢到都系会系一个选择。
张贴