皇廷工房點心專門店 (已結業)

📍皇廷工房點心專門店 (觀塘)觀塘敬業街55號皇廷廣場地下4號舖-----平時朝早趕頭趕命返工 成日早餐都食凍冰冰嘅麵包or三文治 所以難得週末放假 就同左朋友去咗食點心做早餐 呢間點心店裝修幾新潮 位置幾近觀塘海濱 食完唔怕凍的話 可以去海濱晨運下😁-#豬骨湯鮮竹卷（$24）浸泡係豬骨湯入面嘅腐皮非軟腍 骨湯亦為整個鮮竹卷帶黎提味嘅效果 食落鮮味同豆香並存😊-#蟹籽燒賣王（三粒-$24）豬肉扎實亦彈牙 粒粒size都有少少唔同 係手工包而非機製 唔錯😬-#鵪鶉蛋燒賣（$26）雖然蟹籽燒賣唔錯 但係就完全比呢個鵪鶉蛋燒賣比下去 平時食鵪鶉蛋燒賣 通常食落有種鵪鶉蛋還鵪鶉蛋 燒賣還燒賣嘅感覺 而呢度就唔同 鵪鶉蛋蛋黃帶微微流心 令人咬落嘅時候 蛋黃可以輕易滲至豬肉嘅縫隙 真正將兩者味道融合為一體😋-#蜜汁叉燒腸粉（$28）叉燒唔錯 不過腸粉皮稍稍厚左少少 另外叉燒腸入面係有芫荽嘅 唔食芫荽嘅人要問下餐廳可否走芫荽😆-#鮮蝦菠菜餃（$26）外皮通透 鮮蝦爽口分量多 菠菜亦唔會鞋口 整體配搭得當 皮雖然稍為偏厚少少 但口感彈牙 個人幾中意-☆茶位：每位$5 無額外加一☆必叫之選：鵪鶉蛋燒賣-