凱薈

营业中

休息中

最近喺尖沙咀搵咗間望海景既茶樓，原意係想舒服咁嘆下花茶同點心，點知體驗唔太理想。一坐低本來見到有蜜桃烏龍茶、蕎麥茶等少見花茶，以為幾有特色，點知職員話乜都賣晒，失望第一彈😑。跟住諗住轉戰點心，睇下menu，發現每樣點心價錢大多$50-$60以上，價錢有中環feel。最後只叫咗三樣：籠仔飯、黑芝麻卷，仲有一款唔太記得，三樣都係中規中矩，味道一般，服務亦都普通。整體嚟講，唯一優點係望海景，其他就⋯⋯未必值返個價錢。如果你追求係輕鬆隨意嘆點心，呢間可能唔太適合，至少我就唔會有下次。