Kiuki Sweet Bakery

营业中

休息中

最近差唔多個個月都有朋友生日，成日都想搵一啲靚啲嘅生日蛋糕幫朋友慶祝，於是上網搵到呢一間kiuki sweet bakery。呢間蛋糕店啲蛋糕完全係長在我的審美上，於是喺度訂咗朋友最鍾意嘅海鹽焦糖伯爵茶戚風蛋糕🥰呢款海鹽焦糖伯爵茶戚風蛋糕嘅外型真係精緻又吸引！蛋糕表面鋪滿咗光滑嘅奶油霜，顏色柔和，呈現出淡雅嘅奶油色調。蛋糕上仲裝飾咗幾片金黃色嘅焦糖餅乾，令整體睇落更有層次感！另外，蛋糕味道都唔錯，佢將伯爵茶嘅香氣同焦糖嘅甜味結合埋一齊。每一口都可以感受到濃郁嘅焦糖，仲有少少海鹽嘅微咸味，咁就唔會太膩。戚風蛋糕嘅質地非常輕盈，入口即化，加埋絲滑嘅奶油霜，整體味道好平衡又有層次！同埋要讚一讚，舖頭好貼心，仲免費送埋蠟燭同生日牌，唔洗專登預備。整體嚟講，呢款蛋糕唔單止視覺上吸引，口感上都唔錯，值得推介！