影片
更多
2005-12-30
3 浏览
正所謂一分錢一分貨，貴野真係唔同D。一般都係食開地道o既韓燒，（地道？一句講哂即係cheap啦！）完全都因為貪平。想體驗大長今式o既風味就要洗多少少錢啦！話雖如此，散叫真係一D都唔平，所以是次叫o左套餐。前菜有八小碟，排開都幾有氣勢，差D以為食緊滿漢全席。正正仲欣賞緊個排場，拼盤就接住上。嘩！犀利囉，包括豬牛雞肉各兩片，另備薄切牛仔骨四塊，冬菇一個，青椒洋荵絲少許，蒜片四塊，鹽糖三茶匙......洗唔洗先燒紅隻鑊，爆香D蒜頭荵絲再掜兩野呢？真係少得可憐。講真，瘦緊身都唔會食咁少，就算唔俾多兩塊肉，俾多兩條菜都得o卦？飯桶都仲話可以有白飯食，食肉獸就起碼叫多三個回合。之後就上埋個人參雞湯。本身諗住叫多個燒物，點知就俾索哂D精華o既糯米吸引住。碗湯好大，除o左糯米外，每人仲有半隻雞。雖然都估到係雪雞，但D雞肉都keep到好滑，不知不覺食哂成碗，人中成個人暖哂添！都怪我太鍾意飲雞湯。差D漏o左個炒辣魷魚，ok啦，無乜特別，套餐包括柚子茶同阿里朗雪糕。茶太甜但郤有成大kai果肉，有誠意！阿里朗雪糕即鋪滿綠豆粉o既雲呢那雪糕，口感好滑，一乾一滑好特別。總括黎講，味道認真唔錯，非常一般港式韓燒可比
話雖如此，散叫真係一D都唔平，所以是次叫o左套餐。前菜有八小碟，排開都幾有氣勢，差D以為食緊滿漢全席。
正正仲欣賞緊個排場，拼盤就接住上。嘩！犀利囉，包括豬牛雞肉各兩片，另備薄切牛仔骨四塊，冬菇一個，青椒洋荵絲少許，蒜片四塊，鹽糖三茶匙......
洗唔洗先燒紅隻鑊，爆香D蒜頭荵絲再掜兩野呢？
真係少得可憐。講真，瘦緊身都唔會食咁少，就算唔俾多兩塊肉，俾多兩條菜都得o卦？飯桶都仲話可以有白飯食，食肉獸就起碼叫多三個回合。
之後就上埋個人參雞湯。本身諗住叫多個燒物，點知就俾索哂D精華o既糯米吸引住。碗湯好大，除o左糯米外，每人仲有半隻雞。雖然都估到係雪雞，但D雞肉都keep到好滑，不知不覺食哂成碗，人中成個人暖哂添！都怪我太鍾意飲雞湯。
差D漏o左個炒辣魷魚，ok啦，無乜特別，
套餐包括柚子茶同阿里朗雪糕。茶太甜但郤有成大kai果肉，有誠意！阿里朗雪糕即鋪滿綠豆粉o既雲呢那雪糕，口感好滑，一乾一滑好特別。
總括黎講，味道認真唔錯，非常一般港式韓燒可比美。
张贴