CoCo Espresso (已結業)

叫咗個黑松露炒蛋加酸種麪包多士，同埋一杯熱美式咖啡。
個黑松露炒蛋淡而無味，冇諗過食黑松露嘅食品會咁淡口，炒蛋半點鹹味都冇，似冇落過任何調味，我估幾適合追求健康嘅人士，不過就唔啱我胃口。
酸種麪包就正正常常，同一般cafe冇分別，冇咩好評價。
熱美式咖啡冇乜咖啡香，可能要叫杯特式啲嘅咖啡先知佢咩料啩。
七十幾蚊個炒蛋加包，其實都幾貴，細份又唔係好食，個樣亦唔係靚到可以打卡呃like，嘢飲又冇因為叫咗嘢食而收平啲，夾埋要$11x落樓，感覺勁唔抵。
呢間試一次就夠，唔會有下次。