志 (已結業)

疫情底下，最近真係少咗好多出街！難得今日相約了好瘦，我哋都係非常喜歡吃omakase，所以就決定到呢間近期幾熱門嘅壽司店！餐廳都做足防疫措施，將食客們用透明膠板分隔，大家都食得好安心又放心！呢到只有一個價錢嘅廚師發板餐，就係$1200，有25道菜，以咁多款式嚟講，呢個價錢真係算好抵！首先師傅為我哋準備嘅係自家熟成章魚，熟成完再慢煮，質感好軟腍，同平時食開嘅都幾唔同。接下來係多款刺身，由淡味至濃味。以兩個方式呈現嘅左口魚：厚切左口魚及火炙左口魚裙邊，前者清甜爽口，後者充滿油香。我就一向喜歡濃味，所以好鍾意佢個炙燒左口魚裙邊！呢度嘅深海池魚嘅質感同出面幾唔同，原來係經過七日的熟成，魚味較明顯，腍身好多。平貝爽彈，極鮮甜！師傅仲將平貝裙邊製作成串燒，經過鹽燒，另一番風味！接著到象拔蚌，夠爽脆！還有我和朋友都很喜歡的醬油漬螢光魷魚，獨有的口感味道，依家諗起都好掛住！鮟鱇魚肝入口即溶，細滑好味！真蠔肥美肉厚，鮮味十足！壽司方面，火炙金目鯛很肥美，燒完油香爆發！好鍾意炙燒嘅壽司迫哂d魚油出嚟！鰆魚烤過後，魚皮脆卜卜！中拖羅肥美入口即化，仲有大拖羅更加唔洗講，油份超勁，再烤埋迫更多油份出黎，真係勁正