塚田食堂 (已結業)

住左將軍澳成年有多，都未去過坑口今次第一次去係地鐵站上蓋的東港城商場🙈🙈🙈呢個商場好似迷宮一樣，好似周圍都差唔多咁既？行行下終於見到呢間食日本野既餐廳，見啲定食都幾抵食，一於試下啦。我點了燒花魚定食配南蠻炸雞，燒花魚係成條上，好大條！花魚燒得剛剛好，仍保留了不少肉汁，不會太乾，啖啖肉，食極都食唔曬😂炸雞都有三大舊，外層不脆、好薄，雞肉好滑，同埋個醬好好味我好欣賞佢個面豉湯唔鹹，味道偏淡。另外點了鹽麴燒雞定食，啲雞肉都係好滑，份量同樣好多，簡單用鹽燒雞，估唔到都咁出色。叫定食加$15就可以食自助飲品+甜品區的飲品/野食，飲品種類都幾多，今日無加到，留返下次試下。