小蓉麵家

营业中

休息中

喺太子附近返工，我哋兩個就去到一間專門食麵嘅鋪頭，入去食個lunch。首先每人叫咗一個飯，分別係南乳豬手飯同埋冬菇牛腩飯一齊share食。估唔到豬手炆得好琳，而且南乳味道非常濃郁，豬手份量都比較多。冬菇好入味，牛腩肉質鮮嫩，牛腩汁撈飯一流。小食就叫咗炸招牌雲吞同埋炸墨魚丸。雲吞好大隻外皮揸到脆卜卜，入面嘅豬肉碎同埋蝦肉好新鮮。墨魚丸食落去好爽口彈牙。凍豆漿味道好濃郁，飲落去好清涼。最後兩個人埋單都係＄150，每人平均消費＄75，呢一餐lunch幾豐富又抵食。