滿滿丼 (已結業)

好豐富嘅午餐，價錢合理，一個套餐除咗有伴菜，飲品仲有小食。最近新推出一個吉列炸蝦便當可以配合唔同嘅主要肉類。叫咗一個炸蝦配牛肉便當。同埋一個鰻魚雞便當。白飯同餸份量比例啱啱好。質量唔係話特別高啦，當然唔係好似嗰啲和牛咁，但係以我個人口味來講呢個係一個好好嘅午餐。炸雞有係有雞骨嘅。炸蝦唔係天婦羅嗰種感覺，係炸豬扒嗰種感覺，用麵包糠炸。入面有啲粉粉地，可以改進下。小食就配左炸雞配黑松露醬，同埋一個炸芝士年糕，好邪惡。不過真係好耐冇食芝士年糕喇。炸雞有少少辣，有骨。唔係雞球啊，叫嗰陣要注意。飲品有好多款式有冷紅茶支裝，又有熱綠茶鍾意飲熱嘢嘅朋友都唔會覺得冇野飲，唔係剩係得檸檬茶。