稻八日式火鍋炸物放題 (已結業)

公司成班同事一齊去呢間稻八日式火鍋炸物放題，食晚飯慶功，咁大班人一齊食，咁就梗係叫一個大大個既龍蝦鍋齊齊開心下啦，最正既係龍蝦鍋另外加$88蚊，有埋龍蝦湯底，不單止龍蝦味夠濃，聞落去又好夠香，仲要有香濃芝士味，成大隻龍蝦係鍋入面，呢個龍蝦鍋可以算得上超抵食，$298蚊澳洲和牛套餐，和牛好好食，好過平時打邊爐果款平價牛肉好多，刺身仲可以任叫任食唔嬲，仲有牛柳粒，又有海鮮，岩哂我呢d又中意食海鮮又中意食牛既人，每位加$20蚊，有得飲Asahi啤酒。