Catee (已結業)

聽朋友講荃灣有一間用貓來做主題嘅餐廳，但係入面冇貓，不過背景就主要係好似酒吧色彩，有得飲酒， 好chill！一於book枱過嚟chill返一晚！入到去發現環境幾好，人數亦唔少，證明質素應該都有保證。餐牌選擇多多，而且價錢都合適，鍾意飲酒嘅話可以留意下drink list，種類繁多。我哋就叫咗兩款晚市套餐同埋兩杯cocktail～蕃茄忌廉湯味道清新，酸酸甜甜非常開胃而且好香。 是日沙律都好豐富，裏面嘅菜十分新鮮，而且份量適中，可以留返少少胃口食主菜。黑松露野菌燴扁意粉$168個份量係非常多，黑松露味亦非常惹味，汁嘅份量係比較多，所以食每一口意粉都唔會dry，野菌都充滿水份，口感彈牙。香煎尖吻鱸魚配烤龍蝦汁$178（套餐加$30）鱸魚先得個表皮都幾香脆，而且味道唔會聲，容易入口又冇骨，配上龍蝦汁估唔到又幾match ！綠茶蛋糕味道清香，不過同行友人話驚夜晚飲咗茶瞓唔着，所以我幫佢食埋，哈哈...CocktailGuava Sour$88Lychee Martini$78兩份都係店員推介嘅飲品，前者酸酸甜甜，好開胃，仲有啲藍色都好靚！後者嘅荔枝味好濃郁，味道比較香甜。 因為跟餐飲品仲未叫，食