丸十寿司日本食堂 (已結業)

旺角朗豪坊真係一個好方便嘅地方，食完野又可以行街，一舉兩得，丸十寿司日本食堂位於12樓， 搭lift就可以直到。無論係出面定係入面都好有日本feel～落單方面可以用QR code落單， 十分方便又環保。 朋友比較鍾意食熟食，就同佢揀啲燒烤，鍋物吧！海洋之盒$128大蝦，三文魚，鯖魚，鰻魚，帆立貝幾款魚類，主要都係海鮮，佢個醬汁味道都比較香濃，燒烤時間剛剛好唔會燒焦，各款食物也保留應有的水份，沒有骨，進食非常方便。上選牛肉壽喜燒$118呢個真係好豐富，牛肉大大片，很有質感，而且加咗隻蛋，令整體味道豐富得多， 味道香甜之餘唔會係死甜，入面仲有好多各款菜，粉絲，冬菇，都真係幾夠飽㗎！自家製玉子燒$48鍾意小食嘅不妨試吓呢個玉子燒，口感香滑，唔係好甜嗰種⋯甜中帶有少少清鹹味 ！下次同一啲食生嘢嘅朋友，一定要嚟呢度試埋其他壽司，刺身先得！