影片
更多
2010-03-20
19 浏览
仍記得上年10月第一次去Apple Green, 去銅鑼灣店, 自己就食到不是味兒, 搞到”的”起心肝寫我喺開飯網我第一個食評 (仲要係衰果隻)。當時內文提及, 如再嚐蘋果綠, 必會係旺角店。事隔半年, 今次2人撐枱腳, 我提議嚐旺角蘋果綠。早3日訂坐, 訂7:00pm, 都係要8:30pm交枱。準時到達, reception 友善地帶位。 格局同情調與銅鑼灣差不多, 2人枱比較細, 枱與枱之間比較close。Menu係全中文或全英文各一張, 不過有時就咁睇中文名未必明, 睇英文反而有講食物材料。食物：1/2 Goddess ($80) 半份蟹肉牛油果青瓜沙律：牛油果係同行人仕的心頭好， 我就麻麻地。蟹肉ｏｋ多，青瓜＋沙律汁好味。不過如果可以凍ｄ就再好味ｄ。Dirty Pasta ($108) 南部風情意粉：南部所包含的有腸仔、雞肉， 仲係辣辣地。意粉彈牙、個汁嘢味。不過同銅鑼灣店一樣， 塊蒜容包個樣好多蒜容， 不過係無蒜容味， 唯一可取就係脆的。Hawaiian Ribeye ($238) 燒菠蘿肉眼扒 (5成熟)：燒菠蘿多汁、好甜。個ribeye睇落好似“黑”咗ｄ， 不過食落唔會苦
早3日訂坐, 訂7:00pm, 都係要8:30pm交枱。準時到達, reception 友善地帶位。 格局同情調與銅鑼灣差不多, 2人枱比較細, 枱與枱之間比較close。Menu係全中文或全英文各一張, 不過有時就咁睇中文名未必明, 睇英文反而有講食物材料。
食物：
1/2 Goddess ($80) 半份蟹肉牛油果青瓜沙律：牛油果係同行人仕的心頭好， 我就麻麻地。蟹肉ｏｋ多，青瓜＋沙律汁好味。不過如果可以凍ｄ就再好味ｄ。
Dirty Pasta ($108) 南部風情意粉：南部所包含的有腸仔、雞肉， 仲係辣辣地。意粉彈牙、個汁嘢味。不過同銅鑼灣店一樣， 塊蒜容包個樣好多蒜容， 不過係無蒜容味， 唯一可取就係脆的。
Hawaiian Ribeye ($238) 燒菠蘿肉眼扒 (5成熟)：燒菠蘿多汁、好甜。個ribeye睇落好似“黑”咗ｄ， 不過食落唔會苦。Ribeye好林， 好juicy， 無“根”， 好味， ５成熟剛剛好（中間有粉紅色， 不過無見血）， ７成就會太熟了。
Brownie ($52) ： 一球雲呢拿雪糕 ＋ ２件好濃的chocolate cake。好味，一不過chocolate cake 過份甜。
Cream Brulee ($42) ：原味布丁， 好味， 個“面”好脆， 唔太甜。
Tea 伯爵茶 ($18) ： 伯爵茶係同行人仕的心頭好， 我淺嚐了幾口．．．我都係唔太like茶。
其實食埋個rib已經好full, 不過就係想比吓甜頭自己, 所以都叫2款甜品share 。食物水準絕對係銅鑼灣之上。環境就差不多 (都係枱與枱之間比較close), 比較嘈雜。Service ok, 侍應都好有禮貌, 不過唔知係咪唔多夠侍應, 有時好難叫人。價錢都係中上, 不過相對銅鑼灣店的食物水準, 絕對比得開心。可能係平日, 唔算太多人 （大約８０％full啦）， 最終我倆９：００ｐｍ先離開， 離開時亦未見需要等位。
０９年１０月份對銅鑼灣店的評價：
http://www.openrice.com/restaurant/commentdetail.htm?commentid=2033785
张贴
