影片
更多
2022-01-10
178 浏览
櫻花樹下搬左舖，舖頭大過之前好多呀，不過防疫下都係規定二人一枱，所以繁忙時段都等好一陣嘅。入坐後睇下餐牌，好多野揀呀，最後決定叫兩個午餐同一份下午茶，呵呵，超豐富吧。估唔到咁大份，兩個餐已經擺滿左枱～朋友點左一人前嘅午餐，可以由1-6號各選一樣，揀咗主食做珍珠米飯，前菜係泡菜，壽司係玻璃蝦，主菜係和風牛肉，小食係碳烤雞腿肉，甜品就係芝士蛋糕，個牛肉煮得好入味，朋友話超大個飯食唔食，哈哈，一上枱見到個小飯山就覺得好誇張。自己呢個就更犀利啦，揀咗個大滿貫午餐，由1-10選一款呀！主食揀咗蕎麥麵，前菜係蟹子沙律，壽司係三文魚赤腩，主菜係蒲燒三文魚，小食嘅章魚小丸子，甜品芝士蛋糕，揚物係野菜天婦羅，刺身三文魚，串燒帆立貝串，仲有時令水果。天婦羅即炸幾香脆呀，三文魚壽司火灸過夠甘香。帆立貝大大粒好彈牙。蒲燒三文魚甜甜地好味喎，塊三文魚扒都幾大塊添，粒小丸子就無乜特別。三文刺身都幾厚，幾鮮味呀，呢個價位完全收貨啦。蟹籽沙律青瓜絲爽脆，蟹柳蟹籽同蛋黃醬都下得多，正。蕎麥麵就一般啦，無乜蕎麥味，同埋淋左少少啫。最後食埋個甜品先，揀左芝士蛋糕，意外扡大件嘅，綿綿的幾正，仲有時令水果係藍莓吖。左邊係天婦羅
入坐後睇下餐牌，好多野揀呀，最後決定叫兩個午餐同一份下午茶，呵呵，超豐富吧。
估唔到咁大份，兩個餐已經擺滿左枱～
朋友點左一人前嘅午餐，可以由1-6號各選一樣，揀咗主食做珍珠米飯，前菜係泡菜，壽司係玻璃蝦，主菜係和風牛肉，小食係碳烤雞腿肉，甜品就係芝士蛋糕，個牛肉煮得好入味，朋友話超大個飯食唔食，哈哈，一上枱見到個小飯山就覺得好誇張。
自己呢個就更犀利啦，揀咗個大滿貫午餐，由1-10選一款呀！主食揀咗蕎麥麵，前菜係蟹子沙律，壽司係三文魚赤腩，主菜係蒲燒三文魚，小食嘅章魚小丸子，甜品芝士蛋糕，揚物係野菜天婦羅，刺身三文魚，串燒帆立貝串，仲有時令水果。
天婦羅即炸幾香脆呀，三文魚壽司火灸過夠甘香。
帆立貝大大粒好彈牙。
蒲燒三文魚甜甜地好味喎，塊三文魚扒都幾大塊添，粒小丸子就無乜特別。
三文刺身都幾厚，幾鮮味呀，呢個價位完全收貨啦。蟹籽沙律青瓜絲爽脆，蟹柳蟹籽同蛋黃醬都下得多，正。
蕎麥麵就一般啦，無乜蕎麥味，同埋淋左少少啫。最後食埋個甜品先，揀左芝士蛋糕，意外扡大件嘅，綿綿的幾正，仲有時令水果係藍莓吖。
左邊係天婦羅汁，右邊係冷麵豉油，個人覺得個冷麵豉油略淡，但入面好多紫菜同蔥花，好足料㗎。
無諗住個午餐咁豐富，一早叫左個下午茶西多士，好耐無食想食嘛。西多士即叫即做熱辣辣，啲牛油放上面一陣就瀜左啦，超正，個多士仲勁厚，入面又多花生醬，十個正，哈哈～
午餐揀左要熱綠茶，下午茶就要左杯凍奶茶，杯奶茶幾香滑，唔過甜好飲。
張單長到要分開落，哈哈，覺得個店員超勁，講一次食咩居然全部啱哂，仲唔使repeat添呀！順帶一題，原來唔使加一㗎，抵抵抵。
张贴
