豚王 (已結業)

係尖沙嘴行街，突然好想食一蘭！點知比大陸客攻陷左要等60分鐘！係未有病啊！點知比我見到隔離係豚王！都好耐無食過啦，之前係銅鑼灣食過一次。入去唔洗等位，坐低左。侍應問我地之前有冇食過，我地話有，就開始落order。我叫左普通豚王，加辣加溫泉蛋。但黎到漏左加辣，叫侍應補番。賣相係好唔錯的，唔小心叫左楠肉，真係好肥啊啊啊啊D肥肉最後都食唔到，我鍾意佢多蔥！不過湯底唔太濃，比較普通。呢個溫泉蛋真係好好食呀！有日本幾水準！入面既流心係甜甜地既，好滿足啊！最後二人約$110，還算滿意咁啦。