荃灣鍋貼大王 (已結業)

行完山勁肚餓，快快搵地方醫肚。每次經過，都勁多人排隊買外賣，今次忍不住，去試試新野。上海粗炒-賣相好唔掂，又油又黑，份量又少，不過一碟19蚊來講，真係唔好咁多要求。鍋貼-皮比一般較薄，個底完全唔脆，又無肉汁。蔥油餅-同食炸饅頭沒有分別，質地較實，又沒有香蔥味。生煎包-要了牛肉及豬肉兩款，兩款比較，以牛肉較好，因為有洋蔥較野味，而且肉汁較多，而豬肉好乾身，兩個包底都是不脆的。較為好的只有豆漿，唔太甜，算有豆味。勝在夠平，兩個人食得飽飽都係$43，不過應該無下次。