桃園小品 (蘇豪東) (已結業)

來過這家幾次，雖然出品一般，但價格便宜，又方便泊車，食完又可以行下海邊，所以都會來光顧。今天又叫皮蛋瘦肉粥加炒麵早餐，之前有試過，味道勁似美心個粥。點知......今次味道無變，但係得半碗，好似俾人食過咁😑如果佢要縮皮，麻煩你加價或用隻細碗，咁樣太肉酸了。順便講下佢d早餐，如叫出前一丁，湯底不是用原包味粉，唔會再叫，上枱時麵餅偏生，本來偏生正合我意，但湯頭竟然唔熱，我估得70-80度，所以食左好耐個麵仲好生。餐肉無煎過。其實佢所有湯粉d湯都唔夠熱追加厚多士抵食，奶茶一般但已經係成條街最好飲。