牛涮鍋 (已結業)

為左唔暴飲暴食，選擇左定食肉，而其他野都係任食的。間野開十二點，但我十二點零二分去到，已經坐滿一半點左60分鐘定食午餐，PK餐各一。有想試的牛小排同黑毛和牛。點左鰹魚清湯，開頭無乜味，但食到最後就有啲鹹。肉類新鮮丹麥豚肉肥瘦適中，好滑。牛小排同黑毛和牛都好有牛肉味。當然和牛就又滑又香，牛小排就有DD鞋。美國進口牛肉就唔得喇，放入湯後就碎濕濕咁。其他食物有豆腐，烏冬，拉麵，鱈魚丸，芝士魚腐，腸仔，南瓜腸仔，三文魚丸，芋絲等蔬菜種類都多。。。蘿蔔，番茄，菇菌，韮菜，油麥，娃娃菜，四季豆，甜豆，翠肉瓜，大葱，粟米，粟米心，最正係有勁大塊的木耳等。熟食有炒飯同沙律。甜品有紫薯芝士蛋糕，朱古力蛋糕，大福，同puff(食左好多粒)最後仲食左蜜瓜雪糕，但好似有啲怪怪地。一個鐘有啲趕，但都食到超飽，唔夠時間食，要拎住杯雪糕一路行一路食One of my favourite打邊爐放題餐廳