新福星潮州打冷火鍋菜館

营业中

休息中

睇完戲，一家大細搵個地方開餐，親戚們揀了去新星打冷，比起另一間較有名的打冷店，我們較喜歡呢邊，感覺上乾淨一點點，哈哈。先來壺熱茶洗洗碗，從小時候開始一直覺得呢個膠壺可以受熱沖茶的嗎？再來送上各種醬料，辣椒豉油同潮式辣醬係必須嘅！滷水鵝例牌，唔算好多肥膏，鵝肉入味，滷水汁好正。韭菜豬紅，個樣唔係幾靚仔，但豬紅都幾滑，入味唔腥。滷水大腸拼墨魚，兩者都好有咬口，同樣好入味，呢度啲滷水真係唔錯㗎，好好撈飯。椒鹽鮮魷，香口野無得輸啦，大大碟夠多椒鹽，炸得乾身唔油膩。煎蠔餅，超多蠔，夠脆又香口，唯一問題係超級油，點解間間做蠔餅都咁油嘅？太好味食左幾碗白飯，發覺我屋企人都幾重口味，明明啲餸已經好入味，但都要點下辣椒豉油，哈哈。