高麗軒韓國料理 (已結業)

今晚同朋友黎到尖沙咀食韓燒放題。呢間食完無咩油煙味，相當唔錯。首先叫左啲前菜: 泡菜、醃蘿蔔、芽菜、菠菜。我地加左$68升級，有得食加拿大Prime雪花牛、加拿大3A雪花牛、帆立貝、帶子、法式羊架、紅炆牛肋骨。紅炆牛肋骨肉質軟腍，羊架唔太羶唔錯，識食就梗係加錢食靚牛啦。另外都叫左特級牛頸肉、黑毛豬腩、蒙古羊肉、魚柳黎燒，夾住生菜食可以解油膩。韓燒仲提供埋熟食，我地叫左他他牛肉、韓式炒年糕、蛋包蝦、韓式炒粉絲、泡菜煎餅。一次過可以食到唔同款既韓國料理，好方便。野飲都有唔少選擇，都係任飲架。