韓日燒 (已結業)

話說就黎去日本旅行 咁就當然去深水埗買張電話卡 買完同行朋友就想食放題 我地行左個圈就黎左呢到 - 韓日燒首先當然俾佢地三種食法吸引到啦 既可以韓燒 又可以打邊爐 仲可以食埋迴轉壽司添呀 都好多年無食過迴轉壽司 可以借機回憶下舊日時光咁就講講迴轉壽司先啦 諗住呢個價錢唔會有太大奇望啦 反而咁就喜出望外 甜蝦刺身食落新鮮 唔似坊間放題鋪頭 有雪味 另外仲有我最愛既花之戀要不停encore而韓燒方面 有一個勁抵讚同貼心既野 就係爐上面鋪左一張吸油紙 一方面唔會彈油 另一方面又唔會咁易燒到啲野食黑哂 大部分韓燒都無呢個服務而野食選擇方面 有兩個大雪櫃選擇 唔怕唔岩食 而且仲勁入味 減肥既我都減唔到口拎野食旁邊有個鐵板燒位置 師傅不定期整唔同既野食 而我呢就試左個燒牛排 師傅燒到大概七成熟 keep住啲肉汁 好juicy 同埋唔使排長龍爭 人人有得食打邊爐就有兩款湯底 我就揀左日式濃湯 味道好似高級日本餐廳既打邊爐咁 一路燒一路打 正呀而甜品同飲品 都有幾多選擇 飯後甜品唔使轉場總括而言 蔗渣既價錢燒鵝既味道 下次黎西九附近一定再encore