和匠日式燒肉店

营业中

休息中

週年記念，簡單慶祝，揀左食燒肉😍星期三晚上，人流不算多，7點黎到都仲有位。準備燒肉之前先有沙律作為頭盤墊一墊底😋豆腐沙律無得輸點左鹽燒腩肉、牛魔再現套餐、帆立貝超級推薦牛魔再現套餐，有3款牛：日本A4和牛肉眼，有充分既脂油雪花均勻，相當有質素。美國prime牛小排的油花分佈均勻，質地柔軟，熟一點也不怕。美國prime牛角切比想像中入量多，入口即溶，一筋都無👍🏻基本上食完呢set 都已經飽左8成。不得不讚！燒每樣野之前，職員都仔細講解應該點燒最好，幾時反轉，點為之熟，相當細心。最後嗌左香蔥手打烏冬滿足埋我呢個烏冬愛好者，職員特別推薦地獄湯，又真係好正，微辣，食完和牛正好清一清油膩感！