影片
更多
2009-03-29
6 浏览
星期六晚絲絲細雨，同女朋友去到平日好多人既太古坊華蘭路食飯，感覺多了一份安靜。9時多入到去不算多人唔需要等位，餐廳裝修以啡、黑同黃色做主調，感覺屋企。打開menu揀左一陣，我決定試個芝士魚柳咖哩飯，莎朗就叫左一碗地獄豬軟骨啜啜麵同埋好多人都試過既大根餃子!!好喇，味道如下︰啜啜麵︰湯底味道算豐富，唔算太辣。蒟蒻做既麵食落好特別，好煙韌。豬軟骨食落都好稔，不過嫌佢湯太多蓋過哂所有野。芝士魚柳咖哩飯︰炸魚好味，魚肉好滑...咬落去都有一絲絲芝士不過唔太多唔會太濃味。但係呢，個汁本身唔知點解有D酸，唔知係咪調味時候加左D特別野呢? 我同莎朗研究左一陣都唔知原因係咩，不過食耐左當咖哩越黎越辣既時候，D酸味可以中和左，感覺無其他食開既咖哩咁辣。不過，呢個飯既汁我都係覺得過多....大根餃子︰聞名不如見面，好味!! 蘿蔔切得夠薄，加上本身夠靚無渣所以好容易吸到入面既肉汁，面既魚子食落去一粒粒，爽。而且佢既醬汁都幾好味，唔係一般既豉油，有誠意。不過，細隻左D囉，哈哈。呢間餐廳，可以翻食!!
9時多入到去不算多人唔需要等位，餐廳裝修以啡、黑同黃色做主調，感覺屋企。打開menu揀左一陣，我決定試個芝士魚柳咖哩飯，莎朗就叫左一碗地獄豬軟骨啜啜麵同埋好多人都試過既大根餃子!!
好喇，味道如下︰
啜啜麵︰湯底味道算豐富，唔算太辣。蒟蒻做既麵食落好特別，好煙韌。豬軟骨食落都好稔，不過嫌佢湯太多蓋過哂所有野。
芝士魚柳咖哩飯︰炸魚好味，魚肉好滑...咬落去都有一絲絲芝士不過唔太多唔會太濃味。但係呢，個汁本身唔知點解有D酸，唔知係咪調味時候加左D特別野呢? 我同莎朗研究左一陣都唔知原因係咩，不過食耐左當咖哩越黎越辣既時候，D酸味可以中和左，感覺無其他食開既咖哩咁辣。不過，呢個飯既汁我都係覺得過多....
大根餃子︰聞名不如見面，好味!! 蘿蔔切得夠薄，加上本身夠靚無渣所以好容易吸到入面既肉汁，面既魚子食落去一粒粒，爽。而且佢既醬汁都幾好味，唔係一般既豉油，有誠意。不過，細隻左D囉，哈哈。
呢間餐廳，可以翻食!!
张贴
