影片
更多
2017-08-13
3954 浏览
好耐以前係中環返工嗰陣時，已經試過行遠少少去金鐘食四季，雖然有少少貴，但係佢哋啲午餐質素真係好好，附近嘅嘢食都係貴但係唔好食，我寧願比多少少嚟呢度食啦，之後冇再去中環返工就好少過去嗰邊食飯，啱啱發現四季依家夜晚會做放題，即刻同媽媽去試吓。睇到個菜單，食物嘅選擇唔算超級多，但係都有好多特別平常唔多見嘅款式。刺身方面，比較少見嘅油甘魚同劍魚腩都有，而且非常新鮮，魚味十足，絕對唔係雪藏貨雪到冇晒味果一種，而且切得厚薄適中，有口感得來又唔會太過肥膩。燒物方面，淨係燒魚都有四款揀，仲有非常少見嘅銀雪魚西京燒，銀鱈魚成個口感同平時食到嘅鯖魚秋刀魚好唔同，魚肉非常之滑，而且無腥味，反而入口有震震豐富嘅魚味味道，外皮燒得香脆，絕對有食銀雪魚西京燒套餐嘅時候嘅水準。壽司都有好多唔同嘅款式，連比較少見嘅蔥吞拿魚腩軍艦都有，海膽象拔蚌三文魚子呢啲比較高級嘅食材都可以搵到，除咗海鮮非常新鮮之外，連軍艦嘅紫菜都做得好好，上枱嘅時候一啲都唔諗，睇得出係即叫即做嘅。炸物都有好多款揀，我就叫左比較常見嘅軟殼蟹，外脆內軟，蟹肉仲係一絲絲，內科質量好，天婦羅有比較少見嘅香蕉天婦羅揀，個皮好薄，裏面嘅香蕉好甜，好似食緊甜品
睇到個菜單，食物嘅選擇唔算超級多，但係都有好多特別平常唔多見嘅款式。
刺身方面，比較少見嘅油甘魚同劍魚腩都有，而且非常新鮮，魚味十足，絕對唔係雪藏貨雪到冇晒味果一種，而且切得厚薄適中，有口感得來又唔會太過肥膩。
燒物方面，淨係燒魚都有四款揀，仲有非常少見嘅銀雪魚西京燒，銀鱈魚成個口感同平時食到嘅鯖魚秋刀魚好唔同，魚肉非常之滑，而且無腥味，反而入口有震震豐富嘅魚味味道，外皮燒得香脆，絕對有食銀雪魚西京燒套餐嘅時候嘅水準。
壽司都有好多唔同嘅款式，連比較少見嘅蔥吞拿魚腩軍艦都有，海膽象拔蚌三文魚子呢啲比較高級嘅食材都可以搵到，除咗海鮮非常新鮮之外，連軍艦嘅紫菜都做得好好，上枱嘅時候一啲都唔諗，睇得出係即叫即做嘅。
炸物都有好多款揀，我就叫左比較常見嘅軟殼蟹，外脆內軟，蟹肉仲係一絲絲，內科質量好，天婦羅有比較少見嘅香蕉天婦羅揀，個皮好薄，裏面嘅香蕉好甜，好似食緊甜品咁。
不得不提嘅就係壓軸，餐廳送咗雪場蟹腳，而且仲要係非常新鮮嘅，食都海水味之餘，裏面仲要啖啖肉，蟹肉一絲絲，口感好好，而這個份量係足一隻蟹，非常好食。
晚市428一位，座位坐得好舒服，一啲都冇迫嘅感覺，上菜亦上得好快，侍應招呼得好好，雖然係比一般嘅放題貴少少，但係質量同埋服務都超晒班。
张贴
