大家樂 (英皇道)

营业中

休息中

好耐冇落過大家樂打邊爐啦！趁今晚阿媽都得閑就帶埋佢落樓下間大家樂食返啦。阿媽叫咗個穀飼牛、豚肉鍋豬骨湯底，凍檸樂。呢個餐附送嘅係菜盤同米線。我就食雙份美國穀飼牛鍋沙嗲湯底、凍檸樂。呢個餐附送嘅都係菜盤同米線，不過我就加錢將米線換做讚岐烏冬同埋額外火鍋料拼盤。嚟啦嚟啦送到嚟啦！我份拼盤有一隻餃子、一粒肉丸、一塊炸魚餅、少少菜、幾條芝士腸同一碟仔炸魚皮。準備好小弟祕製嘅醬汁～～立即開打啦！肥牛麻麻地，乾咗啲老咗啲。跟住就係落啲拼盤嘢啦！總體嚟講都算ok，最後啲菜都新鮮嘅。最後嘅最後一定係佢啲烏冬啦！臨尾一定係用烏冬嚟收尾嘅。沙嗲湯底嘅烏冬都冇話唔正。