板長壽司 (已結業)

好耐冇食過壽司啦，難得見今日唔係太多人等位，終於再次行入壽司店。兩個人的晚餐，叫既壽司數量唔係好多，主要都係叫番d特價同食開既壽司。自從改左用Tablet 落單，d壽司好快就黎到。三文魚壽司係常點的，水準依舊出色，飯糰軟硬適中，不會輕易散開，三文魚油脂分佈不錯，不會太瘦，而且三文魚切得比較厚，食落幾有口感。另外，沙丁魚壽司同蒲燒秋刀魚壽司都係特價，兩款壽司都沒有將貨就價，沙丁魚壽司應該系先把沙丁魚輕輕燒過，帶點濃味的沙丁魚配上清新的飯糰，是一個不錯的配搭。蒲燒秋刀魚壽司不過不失，秋刀魚經過蒲燒，更能帶出他的味道。整體幾好，價錢都算合理，改左用Tablet 落單就更加方便。