稻香 (北海中心) (已結業)

好耐冇去稻香食嘢，因為香港仔果間嘅服務吾掂，其他的也少去……今早同姪女行完山，去到灣仔十點幾，本來想食茶餐廳早餐，但行完好攰，想找個舒服地方坐下吾駛趕住走，想起不如飲茶，但灣仔道果邊冇酒樓，check下醒起北海中心有稻香，比較近啲，以前嚟過打邊爐都吾錯……得兩個人，如果炒嘢就食吾到點心，見到有個欖菜肉鬆炒飯+薑葱魚腩煲孖寶都幾好喎，便叫了這個，加一個腐皮卷……可能得兩個人關係，覺得碟飯寧舍大碟，每人要食幾碗仔，呢度係用翠玉瓜粒、肉鬆係雞肉嚟炒，味道都ok……個魚腩煲有好大失望，雖然味道ok，但啲魚切薄片嚟煮，太熟搞到好硬又多骨，我心目中的魚腩煲不是這樣的啊，那刻早知這樣就單點炒飯，叫多兩個點心好過！這裡飲茶環境幾好，樓底高，我坐近門口比較好，冇裡面咁嘈……以前呢度打邊爐不是任食，但經過門口見佢而家推出指定時間內任食，百幾蚊，下次試下先……