飲茶 (已結業)

去開尖沙咀買野，唔知食咩好。由於病病地，想食熱野，所以就搵下有咩中菜好食。見呢間「飲茶」好特別，點心外型好精緻，所以一試。😆首先，叫左碟黃姜安格牛炒飯。一上台，發現好細碟😑比起餐牌張相.........，兩個食就係差啲🤣可能我地大食。飯粒分明，但係啲飯略為硬。安格斯牛細細粒，唔係好有咬口，因為好細粒，得啲飯要咬耐啲，因為硬😌然後叫左碟花腿娃娃，係兩條超細火華火腿卷住係娃娃菜上做裝飾⋯⋯🤣真係好細既條火腿。菜就上湯浸住，味道一般般。再有籠點心，透明波波，類似水晶餃，加入黑松露味，材料係蔬菜粒，皮算薄，味道好重，不過不失。而全晚最驚喜係麥皮糖蝦☺️☺️係馬拉食過，超好食😋所以返香港一直好想食。佢做到辣辣地，麥皮同隻蝦好夾，麥皮好夠如果撈飯食仲正😝😝但佢呢隻麥皮比起馬拉無咁脆，而係比較軟身，會黐住對筷子。但都好好食了😋總言之，呢度打卡一流，野食份量就一般。