祖凡尼意大利餐廳 (已結業)

我係元朗住咗八年，嚟過呢間餐\超過二十次，總括嚟講﹕食物OK，環境污漕，四處封塵，尤其係天花個堆千年空酒樽！記住唔好以為黑媽媽就係浪漫，不然的話你係屋企閂晒燈咪叫有情調！侍應套制服好驚嚇，超縐白恤衫+奇差態度，其中一位侍應呀叔應該患有強直性脊椎炎，行路嚴重側埋一邊，背部接近三十度彎曲，請明白我不是歧視傷殘人士，而係他咁既樣一手拎住幾兜熱湯又唔用托盤，係狹窄通道往返實在令人替他擔心！(不過咁多次都冇見過佢\撞板)另外有兩個呀伯，我估係老闆，你嚟食野佢\地好似當你嚟收數咁，你想揀位坐，送你一個鑊撈黑面，落咗單如果你追單，佢\地完全當聽唔到，惡頂！我嚟消費又唔嚟受氣！你會問，咁難頂又嚟成廿次，無計！我鐘意食呢度既牛尾，呢間野D牛尾好啱我胃口，侷住一次又一次死死地氣入去幫襯！每次係到食完飯心理都好唔平衡！