全日點喫茶店 (已結業)

朋友喺呢間cafe學日文，都喺度食過lunch知道食物質素唔錯，見聖誕2人餐都只係三百幾蚊，於是就訂位試吓。雜菜湯好足料，勁似住家湯，估唔到樓上cafe嘅餐湯會咁有誠意。大大碟主菜已包括牛肉飯，炒公仔麵，炸蠔，蜜糖雞翼，西蘭花薯仔沙律，最特別係牛肉同汁係用個pancake兜載住再用蛋蓋住，店員話呢個叫林氏蓋飯，咁多嘢最好味係牛肉飯，薯仔沙律同雞翼。另外encore蒜蓉雞翼，都好味，但都係蜜糖雞翼最好味呢杯蘋果梳打好清新，又有果肉，正!食埋甜品飽晒，好滿足。食物唔錯，價錢唔貴，店員好nice，仲會教人點玩啲game，有日本電視節目睇，唔會趕人走，雖然唔算裝修得好靚嘅cafe，但都已經好滿意。