微辣大排檔 (已結業)

上星期二晚一家四口去新城市食晚飯，經過呢間微辣大排檔。小朋友見到裝修幾吸引，就行咗入去食。入到去嘅時候，服務員就打鼓示意店內嘅服務員有客人。當我哋入到去嘅時候，個個都好似睇唔到咁，係咁掛住傾偈，玩手機，連招呼都冇，自己搵位坐。當時係6點左右，得一兩枱客，真失望，沒有下一次。食物質素：賣相係幾好，但味道一般，食完好口渴，要勁飲水。服務態度：服務員態度真係麻麻，無招呼，要叫幾次先應。環境：環境真係好吸引，但得個樣。