影片
更多
2017-04-19
6776 浏览
尖咀搵好野食，見到openrice食評。。。呢間啲點心好可愛，反正成日食日本野同西餐，今次食下中式野先呢間野。。近龍城大藥房，原來係間精品酒店入邊，感覺幾特別，由搭lift上到3樓，裝修格局唔似酒店1130去到，好彩唔洗等，有位可以即刻安排入座餐廳暗暗地，梳化位有鏡，環境佈置加埋雲石枱似high tea多啲不過隻碗幾得意，有條金魚仔係度不過侍應只係俾點心紙，俾漏左menu，望下周圍隔離枱，個個都拎menu?我地得點心紙，睇極都唔明。。。唔知叫咩款，侍應咁忙，唯有自己走出去拎有menu有相睇，就知想食咩叫左3款點心，1個飯，1個甜品set點心有睇住流奶（黃色，入邊係奶皇流心餡），吉川奶子（綠色，入邊係綠茶流心餡），蟹籽燒賣最好食係睇住流奶，個奶皇餡好香要趁熱食同埋小心夾起個底會穿，先做到流出來嘅效果吉川奶子就。。。如果個抹茶流心餡再多啲抹茶味就好，我都算係有少少抹茶控，所以先叫呢個試下，但有點失望至於個蟹籽燒賣，賣相係靚，但就鋪左好多蟹子係上邊，不過好普通同埋唔算特別好味，都係去返酒樓食會好味啲整體上，點心價錢比較貴，諗住呢啲整得精緻，可能抵俾，點知好失望之後叫左一個飯，個名叫近墨者黑（
呢間野。。近龍城大藥房，原來係間精品酒店入邊，感覺幾特別，由搭lift上到3樓，裝修格局唔似酒店
1130去到，好彩唔洗等，有位可以即刻安排入座
餐廳暗暗地，梳化位有鏡，環境佈置加埋雲石枱似high tea多啲
不過隻碗幾得意，有條金魚仔係度
不過侍應只係俾點心紙，俾漏左menu，望下周圍隔離枱，個個都拎menu?我地得點心紙，睇極都唔明。。。唔知叫咩款，侍應咁忙，唯有自己走出去拎
有menu有相睇，就知想食咩叫左3款點心，1個飯，1個甜品set
點心有睇住流奶（黃色，入邊係奶皇流心餡），吉川奶子（綠色，入邊係綠茶流心餡），蟹籽燒賣
最好食係睇住流奶，個奶皇餡好香
要趁熱食同埋小心夾起個底會穿，先做到流出來嘅效果
吉川奶子就。。。如果個抹茶流心餡再多啲抹茶味就好，我都算係有少少抹茶控，所以先叫呢個試下，但有點失望
至於個蟹籽燒賣，賣相係靚，但就鋪左好多蟹子係上邊，不過好普通同埋唔算特別好味，都係去返酒樓食會好味啲
整體上，點心價錢比較貴，諗住呢啲整得精緻，可能抵俾，點知好失望
之後叫左一個飯，個名叫近墨者黑（海鮮+蛋白），唔算貴，都可以分到3至4碗仔用墨魚汁整嘅飯。。。。估唔到食完啲黑無黑，抹咀時有些少黑咋，平時出邊食墨汁飯或者意粉，成口成棚牙都黑㗎嘛
呢個飯。。。。無乜特別，普通亂炒，無鑊氣
食完其實有啲飽受但望到甜品，仲要有set，A組（揀1款）同B組（3款裡面揀2款，選擇少左啲囉）不過可以自己揀，2樣拼埋一齊，價錢$89，有啲貴人，但一場來到梗係要試下啦甜品一上枱，周圍啲人就望住
好有仙境嘅感覺，侍應提我地小心下邊有乾冰
咁靚，咁似藝術品嘅甜品，一定係相機食左先
影相要快。。。。因為除左乾冰就快無晒，棉花糖都就快溶，要盡快食食左棉花糖就食下邊個楊枝甘露，諗住叫呢個應該穩陣，柚子係好香，個味唔錯，仲要好多咁灑左係面，但個布甸整得麻麻，失敗
跟住食另外2粒甜品，紅色心型個粒叫脆皮甜心，其實即係朱古力，但係好難食，個樣係靚，但入邊嘅朱古力唔係純朱古力。另外可可麻球。。。諗住好食，芝麻外皮唔算脆，而入邊似朱古力餡。。。我同我朋友食唔到味（唔甜又唔濃，想像唔到係朱古力餡）
咁樣食一食，埋單都$4xx仲有壺茶未講，餐廳指定每枱客必叫，有啲貴，我地叫左杭洲菊花，不過係幾香，幾好飲（一個茶包沖一壺，沖完一壺再加水都仲係幾正，唔錯唔錯）
食咁多野好似得壺茶同睇住流奶呢個點心好味，而且仲咁貴，好睇唔好食，去一次就夠，無一下次
张贴
