影片
更多
2008-05-18
14 浏览
近排d buffet價錢好似黐晒線咁, 動輒四五百元, 連九龍酒店, 美麗華酒店都要收依個價仲要無位真係嚇人, 相比之下, 會景就好似'抵'好多, 收388一位, 獅子白金咭唔駛湊咁3個人都有85折, 下午5時幾訂當晚都仲有位.環境 : 海景夠煞食, 但太多樓梯位要上上落落服務 : 可以衛生 : 不時蚊滋仔徘徊食物 : 驟眼看buffet檯陣容相當夠照, 真的可說是過百款食物供應, 可惜逛了一圈後發現大部份是'行貨', 逐檯評價 :沙律檯 : 羅馬生菜已起鏽邊, 蕃茄仔並不是車厘茄也不打緊, 最弊是已很熟, 口感很差, 其他青瓜, 粟米粒普通水準魚生檯 : 6-7款, 普通水準凍海鮮檯 : 蚊型長腳蟹(並不是阿拉斯加的雞髀型)又鹹又削, bb花蟹沒肉吃, 青口凍蝦沒碰, 生蠔龍蝦欠奉熟海鮮檯 : 煎大蝦屬全晚最好的一味, 肉爽味鮮一定要趁熱吃, 薰三文魚沒味道, 另一味三文魚以洋蔥拌炒, 整晚也沒人碰, 會景亦咁膽由頭放到尾, 好像堅持不換款是他們的宗旨, 炸蠔內的蠔肉最大的只有1吋, 但炸皮就成吋厚!咖喱檯 : 咖喱有海鮮, 牛肉, 羊肉, 什菜, 每種味道也不同, naan亦不錯,
環境 : 海景夠煞食, 但太多樓梯位要上上落落
服務 : 可以
衛生 : 不時蚊滋仔徘徊
食物 : 驟眼看buffet檯陣容相當夠照, 真的可說是過百款食物供應, 可惜逛了一圈後發現大部份是'行貨', 逐檯評價 :
沙律檯 : 羅馬生菜已起鏽邊, 蕃茄仔並不是車厘茄也不打緊, 最弊是已很熟, 口感很差, 其他青瓜, 粟米粒普通水準
魚生檯 : 6-7款, 普通水準
凍海鮮檯 : 蚊型長腳蟹(並不是阿拉斯加的雞髀型)又鹹又削, bb花蟹沒肉吃, 青口凍蝦沒碰, 生蠔龍蝦欠奉
熟海鮮檯 : 煎大蝦屬全晚最好的一味, 肉爽味鮮一定要趁熱吃, 薰三文魚沒味道, 另一味三文魚以洋蔥拌炒, 整晚也沒人碰, 會景亦咁膽由頭放到尾, 好像堅持不換款是他們的宗旨, 炸蠔內的蠔肉最大的只有1吋, 但炸皮就成吋厚!
咖喱檯 : 咖喱有海鮮, 牛肉, 羊肉, 什菜, 每種味道也不同, naan亦不錯, 可惜天多利雞柴皮樣毫不吸引, 整碟沒有人吼放足成晚, 反而泰醬燒雞翼及香茅排骨最受歡迎, 添了2-3轉後就沒了, 蝦片就不斷炸
燒牛肉 : 表面全無燒色, 似蒸/烚熟, 完全提不起興趣拿來吃
西湯/班戟檯 : 以澳洲小龍蝦作招來, 但yabbie全無味道, 黃色稀海鮮湯也喝不出味來, 不知何解有即做鹹班戟, 配料是帶子及蝦碎, 帶子似熟非熟, 雪腥味很重及不夠熱, 又一敗筆, 後來還見帶子用完, 煮手立即就後面雪櫃拿出帶子往微波爐翻叮隨後排隊的竟是燒排骨
中式檯 : 燒味只剩雞胸幾件都不肯添真奇怪, 叉燒是橙色鞋肉仍敢拿出來見人, 問'廚師'他還說會輪流出, 但明明見到掛起燒鴨及切雞但全晚都沒奉碟, 最後當然重遇翻叮燒排骨, 伊面吸晒倒汗水發賬, 炒飯是凍的, 可能微波爐隊太長, 索性不弄熱... 要數成個中式檯最合格的算是蓮藕綠豆煲唐排, 喝了2盅
甜品檯 : 雪糕有3款口味, 挑了咖啡但全無雪糕的香滑兼有冰粒, 其他蛋糕質素不值一提, 我敢說美心的水準高幾班
生果檯 : 西瓜, 蜜瓜, 哈蜜瓜, 蓮霧源源不絕加添, 很新鮮, 但不知為何這麼小家的將士多啤梨埋在哈蜜瓜中央, 每次只添十多粒, 到後來索性不加...
其他熱葷 : 煎豬柳(鞋), 煎魚柳(似烚), 炒什菜(全變黃了), 炒鴕鳥肉, 炒牛肉, ...全部均是連行貨也談不上,除了騎呢帶子班戟居然又有另一代表作- 叉燒醬燒羊肉!
雖則有折, 但仍要360一位, 真不明主理人以為花多眼亂就不用交質素? 絕對無下次!
张贴