小神燈新派飯館 (已結業)

婆婆屋企樓下開咗間新餐廳，平日午餐都幾抵食， $68有一碗酸菜魚同埋2款小食，我揀咗食炸豆腐同埋牛奶布甸，先講炸豆腐，雖然細細粒，但係超級惹味，而且入面豆腐好滑，好好味。酸菜魚唔會好辣，我揀咗粉絲，食晒碗粉絲嘅感覺真係好開心好滿足，酸菜魚亦都好爽口，酸酸辣辣好開胃。甜品呢杯牛奶個布甸真係唔講得笑，超級濃郁嘅牛奶香，超級滑，但又唔太甜，正！乾炒牛河點左少油，真係無咁油，而且有獲氣真好味喎，仲要勁大碟。最後到小朋友期待左好耐既蜜蜂包，造型殺晒，靚到小朋友初頭唔捨得食，好多時呢啲咁可愛即包都係好睇唔好食，但佢做到好睇又好食喎，粟子蓉唔會太甜但栗子味好香，面包又夠軟熟，好味。