Moreish & Malt (鴻圖道) (已結業)

Lunch 通常都會同一班同事一齊去搵食，成日行過見到呢間西餐廳，裝修幾靚。今日終於有機會去試下啦。set lunch價錢合理，大約百多元，而且款式豐富，選擇困難症的人又要煩惱了。幾經掙扎終於揀左個肉眼扒啦！先來餐包，比起牛油，我更愛點油醋吃，十分開胃。意大利腸羅馬菜沙律平時前菜通常點湯，但今次呢個沙律太吸引，上到黎當然冇令我失望，份量唔細，生菜配上蜜糖芥末汁，很好的配搭呀。紐西蘭肉眼扒配薯條又想食肉，又想食薯條，真係非你莫屬啦。肉眼扒叫左八成熟，因為好怕血淋淋既感覺，但又要保持肉質嫩滑，的話好巧功夫。上來既時候熟度岩岩好，切開粉粉的，最緊要係八成熟都唔會好韌，肉質偏腍，配埋紅酒燒汁，正！薯條岩岩炸起，想唔好食到幾難，脆卜卜熱辣辣，好爽呀！最後叫左凍檸茶，食完D熱氣野，凍檸茶解下濟先。呢度裝修好別緻，而且座位頗多，環境舒適絕對會再黎。