Natural Chiffon

為咗提早慶祝父親節，放工特登去買咗幾件精緻嘅蛋糕，早前喺社交平台見到呢間餅店嘅蛋糕圖片已經覺得好吸引，今日終於有機會食，餅店位置方便，好近地鐵站。

今次揀咗三款蛋糕，有選擇困難症嘅我，真係實在太難揀啦，因為餅店有成幾十款咁多，最後揀咗綠茶,荔枝紅桑子，檸檬。

三款蛋糕都唔太甜，綠茶食落有香濃嘅茶味，用料十足。外型精緻，睇得出師傅用咗好多心機去整。

荔枝紅桑子係時令嘅款式，味道好特別，隱約嘅荔枝味好適合夏天食。
檸檬味一啲都唔酸，反而有陣陣嘅檸檬香味，令人越食越想食。

其中一樣最緊要嘅係，蛋糕用料天然，食多幾件都唔驚。
最後值得一讚嘅係蛋糕個外賣盒，非常穩陣又好拎，我拎咗兩個鐘 返到屋企個蛋糕都完全冇移位。